HEI MISTAR URDD!

Feinyl 7" ‘Hei Mistar Urdd!’

I ddathlu 50 mlynedd o Mistar Urdd, mae Recordiau Sain yn rhyddhau fersiwn newydd sbon o’r gân eiconig ‘Hei Mistar Urdd!’ ar feinyl 7” cyfyngedig. Mae’r rhyddhad arbennig hwn hefyd yn cynnwys gwaith celf gwreiddiol gan yr artist Cymreig adnabyddus Pete Fowler, gan wneud y record yn ddarn casgladwy perffaith i gefnogwyr yr Urdd a chasglwyr feinyl fel ei gilydd.

Mae’r fersiwn newydd yn serennu Aleighcia Scott, gyda Dom James a Lloyd yn ychwanegu rap, a Mared Williams yn cyfrannu lleisiau cefndirol i drefniant newydd Morgan Elwy - i gyd wedi’i recordio a’i gynhyrchu yn Stiwdio Sain, Llandwrog. Ceir y fersiwn newydd ar ochr A, a’r fersiwn wreiddiol o gân fachog Geraint Davies o 1977 ar Ochr B.

Bydd nifer cyfyngedig hefyd ar gael yn Eisteddfod yr Urdd Ynys Môn.