Seren Bethle'm

Mae Côr Rhuthun yn gôr cymysg o ryw 50 o leisiau o Ruthun yng ngogledd Cymru, sy’n canu fel arfer yn Gymraeg. Cyfarwyddwr ac arweinydd y côr yw’r cerddor enwog Robat Arwyn, sydd hefyd wedi cyfansoddi llawer o’r gweithiau y mae’r côr yn eu canu.

Ffurfiwyd y côr fel côr ieuenctid yn 1981 gan y ddiweddar Morfydd Vaughan-Evans, er mwyn cystadlu yn Eisteddfod yr Urdd. Anrhydeddwyd hi ddwywaith gan Orsedd y Beirdd, yn gyntaf gyda’r wisg werdd ac wedyn yn Eisteddfod Casnewydd 2004 gan y wisg wen. Mae’r côr wedi cael llwyddiant mawr yn Eisteddfod Genedlaethol Cymru ac yn Eisteddfod Ryngwladol Llangollen. Maent wedi perfformio ar y teledu ac ar y radio dros y blynyddoedd ac wedi cynhyrchu 8 record a CD. Mae’r rhaglen bresennol yn cynnwys caneuon a darnau gan gyfansoddwyr Cymreig cyfoes fel Karl Jenkins a Richard Vaughan a Héctor Macdonald o Batagonia.

Ymhlith uchafbwyntiau’r côr yw gwahoddiad i berfformio yng Ngŵyl Gerdd Ontario, Canada, yn 2015, a pherfformio a recordio gwaith Robat Arwyn a gomisiynwyd yn Eisteddfod Genedlaethol 2001 – Atgof o’r Sêr – gyda’r bariton byd-enwog Bryn Terfel a’r soprano Fflur Wyn. Yn Eisteddfod Genedlaethol Dinbych 2013, roedd y côr yn allweddol i lwyddiant ysgubol cyngerdd agoriadol Caneuon Robat Arwyn.

Mae’r côr yn falch o’i gysylltiad parhaol gyda’i gynaelod Rhys Meirion, sydd bellach yn denor operatig rhyngwladol, ac o lwyddiant y bariton Meirion Wyn Jones (enillydd y Rhuban Glas), y soprano Kate Griffiths, a’r tenor ifanc, Elis Jones – y tri yn aelodau gwerthfawr o’r côr ac wedi cyfrannu i’r recordiad hwn.

1.  Daeth Crist i'n Plith
2.  Hwiangerdd Mair
3.  Ar Gyfer Heddiw'r Bore
4.  Lower Lights
5.  Seren Bethle'm
6.  Ganol Gaeaf Noethlwm
7.  Veni Immanuel
8.  I Fethlehem
9.  Sêr y Nadolig
10.  Gŵyl y Baban
11.  O Dawel Ddinas Bethlehem
12.  Mater Christi
13.  Troyte's Chant
14.  Wele, Cawsom y Meseia
15.  Mae'r Sêr yn Canu