Moelyci

Mae Steve Eaves a’i fand Rhai Pobl o ardal Dyffryn Ogwen, wedi bod yn perfformio a recordio caneuon acwstig a chaneuon blws Steve ers dechrau’r 80egau, gan gynhyrchu 8 casgliad o’i ganeuon. Recordiwyd ei 9fed CD Moelyci dros gyfnod o 5 mlynedd mewn 5 stiwdio wahanol.
Ar gyfer y CD hwn, bu’n cydweithio â’i fand arferol gan gynnwys y cerddor amryddawn Elwyn Williams (gitarau ac allweddellau), Gwyn Jones (drymiau), Jackie Williams (llais), ac Iwan Llwyd (bâs), gyda chyfraniadau hefyd gan Owen Lloyd Evans (bâs dwbl), Jochen Eisentraut (piano a sacsoffon), Stephen Rees (ffidl), Gwyn Evans (trwmped) a Manon Steffan Ros (llais).
Mae’r CD yn gasgliad o 11 cân newydd o waith Steve ac mae’n cynnwys hefyd gyfraniad arbennig gan y Prifardd Gerallt Lloyd Owen yn darllen darnau o’i gerdd wych Y Gwladwr.
Ar gyfer clawr a llyfryn y CD bu Steve yn cydweithio â’r ffotograffydd o fri rhyngwladol, Rhodri Jones.
Cynhyrchwyd y CD gan Elwyn Williams, Owain Arwel Davies a Steve.

1. Ymlaen Mae Canaan
2. Gad Iddi Fynd
3. Moelyci
4. Taw Pia' Hi
5. Lleuad Medi
6. Bwgi Rhif 2
7. Ni Sydd Ar Ôl
8. Gwlad Y Caledi
9. Pa Le Yw Hwn?
10. Croeso Mawr Yn D'ôl
11. Llifogydd Ym Mhentir
12. Nos Da Mam
13. Mesen