Encore

Ar un nos o haf digwyddodd i’r tair cantores boblogaidd, Ellen Williams, Gwawr Edwards a Sioned Terry, gyd ganu o flaen cynulleidfa wresog ac o ganlyniad i anogaeth frwdfrydig sawl aelod o’r cyhoedd y noson honno, fe annwyd y triawd clasurol Athena. Byrlymus iawn fu’r flwyddyn i’r tair yn sgil y noson arbennig honno gyda chyngherddau a pherfformiadau ledled y wlad.

Pleser o’r mwyaf felly, blwyddyn yn ddiweddarach, yw i Athena gael cyflwyno eu cryno ddisg gyntaf, Encore, ar label Recordiau Sain. Ynghyd ag ambell i ffefryn Cymreig ar y recordiad fe geir amrywiaeth o ganeuon clasurol a phoblogaidd sy’n arddangos dylanwad a sain neilltuol Athena, gyda threfniannau newydd a gwreiddiol; ambell i un o ddwylo’r merched eu hunain.

Gobaith Athena yw y bydd Encore yn dod a phleser mawr i’r gynulleidfa sydd eisoes wedi bod mor gefnogol wrthynt dros y flwyddyn ac i ennyn gwrandawyr newydd i fwynhau eu sain a’u doniau unigryw hwy.

• Nella Fantasia
• Bassey Medley (Diamonds Are Forever/Goldfinger/Kiss Me Honey Honey/I Am What I Am)
• Calon Lân
• O Mio Babbino Caro
• Mil Harddach Wyt
• Somewhere Only We Know
• Ave Maria
• Wrth I’r Afon Gwrdd A’r Lli
• Bridge Over Troubled Water (+ Steffan Lloyd Owen)
• Moon River
• Carol Y Gannwyll
• O Holy Night