Ceinciau Llwyndyrus

Pleser yw cael cyflwyno’r llyfr yma o alawon cerdd dant gan Owain Siôn.

Mae Owain yn gyfarwydd i bawb yn y byd cerdd dant fel datgeinydd, gosodwr, hyfforddwr a chyfansoddwr alawon. Yn wreiddiol o Lwyndyrus, gwnaeth ei farc yn ifanc gan ennill llu o wobrau yn Eisteddfodau’r Urdd, y Genedlaethol a’r W ˆ yl Gerdd Dant, fel unawdydd, fel un hanner o nifer o ddeuawdau ac fel aelod o driawd Hogiau Hen Felin, gyda’i frodyr Elis a Iorwerth. Pobl ifanc Caerdydd a’r fro sy’n elwa o’i ddoniau erbyn hyn, gan fod Owain bellach yn athro Cymraeg yn Ysgol Gyfun Glantaf, Caerdydd. O dan ei arweinyddiaeth fe ddaw partion cerdd dant yr ysgol a chôr cerdd dant Merched y Ddinas i’r brig yn aml iawn yng nghystadleuthau cerdd dant ein gwyliau cenedlaethol.

Dyma gasgliad amrywiol o alawon, y rhan fwyaf ohonynt yn ymddangos mewn print am y tro cyntaf, a phob un yn meddu rhyw naws arbennig. Mae nifer o alawon Owain eisoes yn rhan o repertoire y ceinciau cerdd dant a hyderaf y bydd rhain hefyd yn cael defnydd helaeth. Bydd croeso mawr i’r gyfrol hon yn sicr, a braf fydd cael clywed yr alawon ar lwyfannau o bob math drwy Gymru ben baladr.

Gwenan Gibbard

17 o geinciau cerdd dant:

 Ael y Bryn 
 Plas Isaf 
 Ella 
 Llangarnguwch 
 Cae Steel 
 Fflur 
 Ysgubor Fawr 
 Glannau’r Taf 
 Fy llong fach arian i
 Hiraeth
 Llwyndyrus 
 Meddiant Uchaf 
 ’Rodyn 
 Angorfa
 Trefynach 
 Thema Schindler’s List 
 Treganna