Atgof Prin

Yn wreiddiol o'r Bala ond bellach yn byw yng Nghaerdydd, rhyddhaodd Glain ei deunydd ei hun am y tro cyntaf ar yr albwm 'Sesiynau Stiwdio Sain'. Yn ystod y flwyddyn ddiwethaf mae Glain wedi bod yn brysur yn gweithio ar ddeunydd ar gyfer ei halbwm cyntaf a oedd i fod i gael ei ryddhau ym mis Gorffennaf ar label Rasal gan Sain Records. Mae Glain wedi bod yn canu cyhyd ag y gall gofio, cystadlu mewn Eisteddfodau, canu gyda'r Aelwyd leol ac mewn gwahanol grwpiau a chorau yn yr ysgol.

Am y ddwy flynedd ddiwethaf mae hi wedi bod yn astudio 'perfformiad' gyda Phrifysgol Cymru Y Drindod Dewi Sant yng Nghaerdydd a bydd yn graddio'r mis hwn. Ers dod â'r band at ei gilydd ar gyfer cystadleuaeth Brwydr y Bandiau yn Eisteddfod Genedlaethol Cymru yn 2016 mae Glain wedi bod yn arbrofi gyda genres cerddorol, cyfansoddi a recordio deunydd ar gyfer ei halbwm newydd – mae hi'n esbonio; 'Dwi'n cyfansoddi fy deunydd fy hun ac mae'n amrywio o ran genre ond mae'n debyg ei fod yn tueddu i ferwi tuag at werin - dwi'n cael fy ysbrydoli i ysgrifennu o brofiadau personol ac o ddigwyddiadau sy'n digwydd o'm cwmpas o ddydd i ddydd.' Ymhlith ei rhestr hir o ddylanwadau mae hi'n enwi Caryl Parry Jones, Siân James a Gwenan Gibbard.

1. Ysu Cân
2. Haws Ar Hen Aelwyd
3. Y Ferch Yn Ninas Dinlle
4. Dim Man Gwyn
5. Marwnad Yr Ehedydd
6. Yn Fy Mhen
7. Gêm O Genfigen
8. Rwbeth
9. Yr Hyn Wnes I
10. Eiliad Mewn Cwmni