Ffrindiau Ryan

Casgliad arbennig o ganeuon Ryan Davies a nifer o’r artistiaid blaenllaw a fu’n rhannu llwyfannau Cymru gydag ef.

Cyflwyniad gan Dafydd Iwan:
Roedd Ryan Davies yn athrylith arbennig iawn, a’r artist cyntaf i gael ei benodi fel perfformiwr Cymraeg proffesiynol ar deledu yng Nghymru. Ei gryfder oedd ei allu i apelio at gynulleidfaoedd yn y ddwy iaith, a hynny fel canwr a digrifwr, ac fel actor amryddawn. Roedd hefyd yn gyfansoddwr medrus, ac yn cyfeilio iddo’i hun ar biano a thelyn. Cyn ei farw disymwth yn 1977 yn Nhalaith Efrog Newydd yn ddim ond 40 oed, rhannodd y llwyfan gyda llu o gantorion eraill, gan gynnwys ei gydymaith agos Ronnie Williams, a hynny’n aml yng nghlwb y “Double Diamond” yng Nghaerffili.

Mae llawer o’r artistiaid hynny a fu’n perfformio gyda Ryan i’w clywed ar y CD hon, sy’n dangos ehangder y talentau oedd ar gael yng Nghymru yn 60au a 70au’r ugenifed ganrif. Bydd y casgliad hwn yn siwr o ail-greu awyrgylch un o’r cyfnodau mwyaf cyffrous yn hanes adloniant ysgafn yng Nghymru.
Diolch i weddw Ryan, Irene Ryan-Davies, a’r plant Arwyn a Bethan, am eu cyd-weithrediad parod iawn wrth roi’r casgliad hwn at ei gilydd.

1. Ffrind i mi (RYAN DAVIES)
2. Rheilffordd Tal-y-Llyn (RYAN DAVIES)
3. Ddoe mor bell (RYAN DAVIES)
4. Ti a dy ddoniau (RYAN A RONNIE)
5. Tro, tro, tro (MARY HOPKIN)
6. Pam na ddoi di Gwen (TONY AC ALOMA)
7. Moliannwn (HENNESSYS)
8. Hen geiliog y gwynt (IRIS WILLIAMS)
9. There but for fortune (MARALENE POWELL)
10. Cylchoedd (Y DILIAU)
11. Dai Corduroy (TRIBAN)
12. Carnifal (MARI GRIFFITH)
13. Wedi colli rhywbeth sy’n annwyl (TONY AC ALOMA)
14. Banks of the Ohio (MARALENE POWELL)
15. A ddaw yn ôl (HENNESSYS)
16. Yn y bore) (MARY HOPKIN)
17. Hedd yn y dyffryn (MARGARET WILLIAMS)
18. Dilyn y sêr uwchben (TRIBAN)
19. Pan fo’r nos yn hir (HOGIA’R WYDDFA)