Sycharth Yn Fy Ngwaed

14 O GANEUON GAN - Linda Gittins, Penri Roberts a Derec Williams.

Casgliad o unawdau, deuawdau a darnau corawl allan o rai o sioeau  Cwmni Theatr Maldwyn -  
Y Llew a’r Ddraig,  Llwybr Efnisien,  Crib, Siwswrn a Rasel, Mela,  Gair yn Gnawd,  Myfi Yw  a Y Mab Darogan.

Cyflwyniad
Sefydlwyd Cwmni Theatr Maldwyn yn 1980 ar gyfer Eisteddfod Genedlaethol Machynlleth. Dros y blynyddoedd mae’r awduron Linda Gittins, Penri Roberts a’r diweddar Derec Williams, wedi cyfansoddi a chynhyrchu nifer o sioeau. Cyfansoddwyd rhai sioeau, megis Crib, Siswrn a Rasel, Llwybr Efnisien a Gair yn Gnawd ar gyfer pobl ifanc Ysgol Theatr Maldwyn a sefydlwyd yn 2004.

Casgliad o ganeuon o wahanol sioeau sydd yn y llyfr newydd hwn, caneuon sydd heb gael eu recordio mewn stiwdio tan yn ddiweddar (cyhoeddwyd cryno-ddisg o’r caneuon yn gynharach yn 2026). Daw rhai caneuon allan o’r sioeau Y Llew a’r Ddraig, Llwybr Efnisien, Crib, Siswrn a Rasel, Mela a Gair yn Gnawd. Mae yma unawdau (a allai apelio at bobl ifanc sy’n dymuno cystadlu ar unawd allan o sioe gerdd mewn eisteddfodau), deuawdau a darnau corawl. Cyfansoddwyd ‘Y Jerwsalem Newydd’ ar gyfer diweddglo digwyddiad arbennig – lle y perfformiwyd y Cantawd Gair yn Gnawd gan aelodau Ysgol Theatr Maldwyn, a’r Oratorio Myfi Yw gan aelodau Cwmni Theatr Maldwyn ar yr un noson, rai blynyddoedd yn ôl. Cyfansoddwyd ‘Ein Maldwyn Ni’ ar gyfer Cyngerdd y Plant yn Eisteddfod Genedlaethol yr Urdd yn 2024. Ychwanegwyd y gân ‘Sycharth yn fy Ngwaed’ at y sioe Y Mab Darogan, sef sioe gerdd gyntaf Cwmni Theatr Maldwyn a berfformiwyd am y tro cyntaf yn 1981.

Gobeithiwn fod yma amrywiaeth o ganeuon a fydd o ddefnydd i bobl ifanc ac yn wir i bobl o bob oed.
Penri Roberts 2026.

                                   
Atgofion a gwerthfawrogiad  
o sioeau Cwmni Theatr Maldwyn                                
Luke McCall                                                                                
Sara Meredydd                                                                          
Steffan Harri                                                                               
Geraint Roberts                                                                        
Steffan Prys Roberts                                                                 
Glain Rhys   

                                                                              
Y Caneuon                                                                        
Ein Maldwyn Ni                                                                        
Ar Ben dy Hun   Y LLEW A’R DDRAIG                                        
Clywaf dy Lais   LLWYBR EFNISIEN                                           
Y Tŷ Sy’n Llawn o Dwyll   LLWYBR EFNISIEN                        
Gofyn Gormod   LLWYBR EFNISIEN                                         
Y Jerwsalem Newydd                                                           
Difa Da Dwy Ynys   LLWYBR EFNISIEN                                     
Yn Ddigon Da   Y LLEW A’R DDRAIG                                        
Dilyn Llwybr Ffawd   GAIR YN GNAWD                                   
Pwy Fydd eu Meseia?   GAIR YN GNAWD                              
Cariad Dan Olau y Sêr   CRIB, SISWRN A RASEL                  
Ymladd yn Erbyn Ffawd   CRIB, SISWRN A RASEL              
Torri’n Rhydd   MELA                                                               
Sycharth yn fy Ngwaed   Y MAB DAROGAN