Sain Records

Osian Ellis - Crefft Unigryw / The Unique Art of Osian Ellis

Osian Ellis - Crefft Unigryw / The Unique Art of Osian Ellis

Caiff Osian Ellis, y telynor o fri rhyngwladol, ei gydnabod fel un o gerddorion amlycaf yr 20fed ganrif. Treuliodd dros 70 mlynedd yn perfformio ar hyd a lled y byd a chafodd yrfa lewyrchus, amrywiol a hynod o ddylanwadol. Wedi ei eni yn Ffynnongroyw a’i fagu yn Hen Golwyn, Abergele ac yna yn Ninbych, dechreuodd chwarae’r delyn yn ifanc, gan gael gwersi gan Alwena Roberts, ‘Telynores Iâl’. Yn ddwy ar bymtheg oed enillodd Ysgoloriaeth Joseph Parry i astudio yn yr Academi Gerdd Frenhinol yn Llundain, y coleg a fyddai, maes o law, yn ei benodi’n Athro’r Delyn yno, swydd a gyflawnodd am 30 mlynedd. Yn 1960 cafodd ei benodi’n brif delynor Cerddorfa Symffoni Llundain. Treuliodd dros 30 mlynedd yn perfformio gyda’r gerddorfa, gan gyfuno’r gwaith â gyrfa ddisglair fel unawdydd ac fel telynor siambr gyda’r Melos Ensemble. Creodd nifer o gyfansoddwyr amlycaf y cyfnod, gan gynnwys William Mathias ac Alun Hoddinott, weithiau ar ei gyfer a bu’n cydweithio llawer hefyd â Benjamin Britten. Ar gyfer Osian y cyfansoddodd Britten y rhannau i’r delyn yn nifer o’i weithiau enwocaf, ac yn 1969, cyflwynodd ei waith nodedig i’r delyn, Suite for Harp, i Osian. Yn ei gyfansoddiadau ei hun, mae Osian yn tynnu’n aml ar ei wreiddiau Cymreig, gan ddefnyddio dylanwadau o’i gefndir ym maes cerdd dant a chanu gwerin i greu cyfansoddiadau newydd a blaengar.

Rhestr y Traciau

  1. Introduction et Allegro
  2. Trymder
  3. Hela'r Sgyfarnog / Fenyw Fwyn
  4. Concerto in F Major, Op. 4, No 5: Larghetto
  5. Concerto in F Major, Op. 4, No 5: Allegro
  6. Concerto in F Major, Op. 4, No 5: Alla Siciliana
  7. Concerto in F Major, Op. 4, No 5: Presto
  8. Deck the Halls
  9. Hiraeth am Batagonia
  10. Interlude
  11. Cân yr Ychen
  12. Lisa Lân
  13. Y Sipsi
  14. Improvisations for Harp, Op. 10: Allegro Moderato
  15. Improvisations for Harp, Op. 10: Lento - Sonore
  16. Improvisations for Harp, Op. 10: Allegro non Troppo
  17. Clymau Cytgerdd / Diversions: Chwarae Mig / Chasing
  18. Clymau Cytgerdd / Diversions: Canu Penillion / Descanting
  19. Clymau Cytgerdd / Diversions: Hel Straeon / Gossiping
  20. Baled Boddi Cwch Enlli yn 1822
  21. Leusa Lân
  22. And Death Shall Have No Dominion

Mewn Stoc
£12.98

  • Rhifnod : Sain SCD2785
  • Label: Sain
  • Genre: Classical
  • Fformat: Album
  • Dyddiad Rhyddhau: 2018

Language

English

Fy Masged

Eitem : 0 | Gwerth : £0.00

Twitter @Sainrecords